قومی کرکٹ ٹیم کے سابق کپتان سرفراز احمد کی ان کی اہلیہ خوش بخت کے ساتھ دئیے گئے انٹرویو کی ویڈیو سوشل میڈیا پر وائرل ہورہی ہے جس میں وہ اپنی بیوی پر غصہ کرنے کی وجہ بتارہے ہیں۔
تفصیلات کے مطابق سرفراز احمد حال ہی میں اپنی بیوی سیدہ خوش بخت اور بیٹے عبداللہ کے ہمراہ ندا یاسر کے مارننگ شو میں شریک ہوئے جہاں انہوں نے ندا یاسر کے ساتھ ایک انتہائی دلچسپ واقعہ شیئر کیا جب انہوں نے اپنی بیوی کو اس وقت بہت بری طرح سے ڈانٹ دیا تھا جب خوش بخت نے انہیں کرکٹ پر توجہ مرکوز رکھنے کا مشورہ دیا تھا۔
Always Enjoys listening to @SarfarazA_54 funny stories. This time with his wife sharing story of first tour to south africa.
😍😍😂😂😂😂😂
Cute Couple 👏👏😇😇#Sarfraz #PakistanCricket pic.twitter.com/U7r8kMVCP1— Asim Mehmood (@imAsim07) April 6, 2022
میزبان کے سوال پر خوش بخت نے بتایا کہ ہم دونوں کرکٹ پر بات نہیں کرتے کیونکہ نہ انہیں کو کرکٹ پر بات کرنا پسند ہے اور نہ مجھے، اسی موقع پر سرفراز نے ماضی کا ایک دلچسپ قصہ بیان کرتے ہوئے کہا، یہ شروع کا واقعہ ہے جب ہماری بات پکی ہوئی تھی میں ساؤتھ افریقا گیا ہوا تھا، میرا پہلا دورہ تھا وہاں ذرا باؤنسی وکٹ ہوتی ہیں اور ساؤتھ افریقا کی ٹیم بھی بہت ٹاپ کی تھی۔
