ڈی جی آئی ایس پی آر میجر جنرل بابر افتخار کا ایک انٹرویو میں کہنا تھا کہ طالبان کے ساتھ رابطے میں ہیں تاکہ قومی مفادات کا تحفظ کر سکیں۔ پاکستان کابل پر طالبان کے کنٹرول کے بعد سے افغانستان میں قیام امن کیلئےعالمی برادری کے کردار پر زور دیتا آیا ہے۔ طالبان کئی بار کہہ چکے ہیں کہ پاکستان سمیت کسی دوسرے ملک میں کاروائی کیلئے افغانستان سے کسی گروہ کو کاروائی کی اجازت نہیں دی جائے گی، ہمیں طالبان کی نیت پر شک نہیں کرنا چاہیے۔
افغانستان کے ساتھ بارڈر پر باڑ لگانے کے متعلق ان کا کہنا تھا کہ تمام تر مشکلات کے باوجود 90 فیصد کام مکمل کر لیا، مستقبل قریب میں اس مکمل طور پر محفوظ بنا دیں گے۔
انٹرنیشنل میڈیا اور بھارتی صحافیوں نے پنج شیر کی لڑائی میں پاکستان کو افغانستان کے اندرونی معاملات میں ملوث کرنے کی کوشش کی۔ انڈیا میڈیا کی رپورٹنگ نے خودبتا دیا کہ انکا میڈیا جعلی خبروں اور منت گھڑت کہانیوں کی بنیاد پر پروان چڑھتا ہے۔