عالمگیروبا کورونا کے دوران لگنے والے لاک ڈاؤن نے دنیا بھرکوآن لائن میٹنگ یا کلاس کی ایک نئی اصطلاح سے روشناس کرایا، جس کے لیے سب سے زیادہ زوم ایپلی کیشن کواستعمال کیا گیا۔
ٹیکنالوجی ویب سائٹ ٹیک راڈارکے مطابق زوم نے کچھ عرصے قبل میٹنگ کے فیچرکونئی اپ ڈیٹس کے ساتھ زیادہ موثربنا تے ہوئے ویڈیوکالنگ فیچرمیں کچھ اہم تبدیلیاں کیں تھی، جس کے ذریعے میٹنگ کے ہوسٹ (میزبان) کوزیادہ با اختیاربنایا گیا۔
اب زوم اپنےکالنگ فیچرمیں ایک اوراہم فیچرشامل کرنے پرکام کررہا ہے۔ اس اہم فیچر کے ذریعے استعمال کنندگان ویڈیوکالزمیں جسمانی حرکات و سکنات بھی ظاہرکرسکیں گے۔رپورٹ کے مطابق ویڈیوکانفرنسگ پلیٹ فارم زوم اس فیچر کو اپنے ڈیسک ٹاپ ورژن کے لیے جیسٹرریکگنیشن( حرکات و سکنات کی شناخت کرنے والے ) کے نام سے شامل کرے گا۔
اس فیچرکی بدولت استعمال کنندگان زیادہ آسانی سے ویڈیو کال میں شریک افراد کی توجہ حاصل کرسکیں گے۔فی الحال اس فیچر کے تحت دوحرکات شامل کی جائیں گی جس میں تھمپس اپ اور ہاتھ اٹھانا شامل ہے۔
زوم کی جانب سے جاری بیان کے مطابق یہ فیچرابھی تکمیل کے مراحل میں ہے اور جلد ہی اسے آئندہ آنے والی اپ ڈیٹ میں ڈیسک ٹاپ صارفین کے لیے جاری کردیا جائے گا۔
تاہم کمپنی کی جانب سے ابھی تک یہ بات واضح نہیں کی گئی ہے کہ اینڈروئیڈ اورآئی اوایس صارفین کے لیے اسے کب تک جاری کیا جائے گا۔
