مایو س کن پرفامنس سے پریشان کوہلی  ٹپس لینے کس کے پاس پہنچ گئے۔

تفصیلات کے مطابق بھارتی کرکٹر ان دنوں  انڈین پریمیئر لیگ میں مسلسل فلاپ ہونے کی وجہ سے خاصے پریشان ہیں، آئی پی ایل میں رائل چیلنجرز بنگلور  آر سی بی کی نمائندگی کرنے والے ویرات کوہلی مسلسل دوسری مرتبہ گولڈن ڈک پر آوٹ ہو ئے۔

ہفتے کو میچ کے بعد مایوس ویرات کوہلی ٹپس لینے برائن لارا کے پاس پہنچ گئے،  ویسٹ انڈین لیجنڈ سن رائزر حیدر آباد کے بیٹنگ کوچ ہیں۔

ویرات کوہلی اب تک لیگ میں ایک بھی نصف سنچری اسکور نہیں کر سکے ہیں۔

بھارتی کرکٹر نے برائن لارا کو خود کو بیٹنگ میں پیش آنے والی مشکلات کے بارے میں بتایا جب کہ برائن لارا نے بھی ویرات کوہلی کو مشورے دیے۔

دوسری جانب بھات کے سابق کپتان اظہر الدین سمیت کئی سابق کرکٹرز نے ویرات کوہلی کو کرکٹ سے بریک لینے کا مشورہ دیا ہے۔