ویسٹ انڈیز کرکٹ بورڈکے چیف ایگزیکٹوجونی گریو کا کہنا ہے کہ وہ رواں سال دسمبر میں ویسٹ انڈیز کرکٹ ٹیم کے دورہ پاکستان کیلئے سیکیورٹی انتظامات اور دیگر امور کے حوالے سے پی سی بی سے رابطے میں ہیں، اور دورے کیلئے کی گئی کمٹمنٹ پوری کرنے کیلئے پرعزم ہیں۔ تاہم دورے سے پہلے جائزے کے ساتھ تمام عوامل کو پورا کیا جائے گا، اس مقصد کیلئے ویسٹ انڈیز پلیئرز ایسوسی ایشن اور کھلاڑیوں سے مشاورت کریں گے۔
ان کا مزید کہنا تھا کہ 21 ستمبر 2021ء کو سی ای او پی سی بی وسیم خان سے ٹیلی فون پر بات ہوئی تھی جس میں نیوزی لینڈ کرکٹ ٹیم کے دورہ پاکستان ختم کرنے کے بعد کے حالات پر بھی گفتگو ہوئی تھی، مشاورت کا عمل جاری رکھیں گے، ہماری دونوں ٹیمیں )مردوخواتین( پہلے بھی پاکستان کا دورہ کر چکی ہیں۔
