کراچی میں کورونا کے مثبت کیسز کی شرح میں تیزی سے اضافہ جاری ہے۔
قومی ادارہ برائے صحت کی جانب سے جاری کئے گئے اعدادوشمار کے مطابق کراچی میں کورونا کے مثبت کیسز کی شرح 21 فیصد سے تجاوز کرگئی ہے۔
گزشتہ 24 گھنٹوں کے دوران کراچی میں کورونا کے 650 ٹیسٹ کئے گئے جن میں سے 138 افراد میں وائرس کی تصدیق ہوئی اور شہر میں کورونا کی شرح 21.23 فیصد رہی۔
علاوہ ازیں قومی ادارہ صحت کی جانب سے جاری کئے گئے اعدادوشمار کے مطابق ملک بھر میں گزشتہ 24 گھنٹوں کے دوران12 ہزار 513 کورونا ٹیسٹ کئے گئے۔
کورونا ٹیسٹ میں سے 268 افراد کے ٹیسٹ مثبت آئے ہیں۔اس طرح گزشتہ 24 گھنٹوں میں کئے گئے مثبت کورونا ٹیسٹ کی شرح 2.14 فیصد رہی ہے۔
COVID-19 Statistics 23 June 2022
Total Tests in Last 24 Hours: 12,513
Positive Cases: 268
Positivity %: 2.14%
Deaths: 01
Patients on Critical Care: 75— NIH Pakistan (@NIH_Pakistan) June 23, 2022
مزید برآں اس دوران کورونا وائرس سے ایک مریض جاں بحق ہو گیا، جبکہ 75 مریضوں کی حالت تشویشناک ہے۔
