مقبولیت کی بلندیوں کو چھونے والے گانے پسوڑی نے ایک اور اعزاز اپنے نام کر لیا۔ گانے کو سپرہیرو سیریز،مس مارول، میں شامل کرلیا گیا۔
کوک اسٹوڈیو کے مقبول ترین گانے پسوڑی کی لازوال مقبولیت نے اس کی حیثیت کو سال کے بہترین گانے کے طور پر مستحکم کر دیا ہے۔ یہ گانا اب تک 200 ملین ویوز حاصل کر کے نئی بلندیوں کو چھو چکا ہے۔
ہٹ نمبر اب مسز مارول میں بھی جادو چلا رہا ہے۔پسوڑی کو سیریز کی قسط 4 میں دکھایا گیا ہے۔
علی سیٹھی نے یہ خبر انسٹاگرام پر شیئر کرتے ہوئے لکھا ہے کہ کیا آپ نے ہمیں مس ماررول کی قسط نمبر 4 میں دیکھا؟ انہوں نے پوسٹ میں کہا ہے ‘پسوری پاو’
واضح رہے کہ “مس مارول” کی کہانی کمالہ خان نامی پاکستانی نژاد نیوجرسی کی لڑکی کے گرد گھومتی ہے۔ جو کہ منفرد صلاحیتوں کی مالک ہوتی ہیں مگر اس کا خاندان اور خاص طور پر والد اور والدہ روایتی پاکستانی خاندان کی طرح ہوتے ہیں۔
