میسجنگ پلیٹ فارم واٹس ایپ نے صارفین کے مطالبے پر میسج ڈیلیٹ کرنے کیلئے وقت کا دورانیہ بڑھا دیا ہے۔

واٹس ایپ بیٹا انفو کے مطابق پہلے واٹس ایپ میں میسج ڈیلیٹ فار ایوری ون فیچر کی حد 1 گھنٹہ، 8 منٹ اور 16 سیکنڈ تھی لیکن اب نئے وقت کی حد 2 دن اور 12 گھنٹے ہو گی۔

واٹس ایپ بیٹا انفو نے بتایا ہے کہ یہ اپ ڈیٹ جلد باضابطہ طور پر کچھ بیٹا صارفین کیلئے جاری کی جائے گی۔

ویب سائٹ واٹس ایپ بیٹا انفو کا کہنا ہے کہ میسج ڈیلیٹ فار ایوری ون کے فیچر میں مزید بہتری کیلئے بھی کام کیا جا رہا ہے، جس کے تحت اگر آپ گروپ ایڈمن ہیں تو مستقبل میں گروپس میں کسی بھی میسج کو ڈیلیٹ کرنے کی اہلیت رکھ سکیں گے۔