انگلینڈ کرکٹ ٹیم کے دورہ پاکستان کے حوالے سے انگلش کرکٹ بورڈ کے وفد نے پنڈی کرکٹ اسٹیڈیم کا دورہ کیا ہے۔

ذرائع کے مطابق وفد نے ٹوئنٹی اور ٹیسٹ سیریز کے سیکیورٹی کے انتظامات کا جائزہ لیا۔

ای سی بی کی سیکیورٹی کے وفد نے پاکستانی حکام سے سیکیورٹی امور پر مشاورت بھی کی۔

ذرائع کا کہنا ہے کہ وفد نے وزارت داخلہ میں بھی پاکستانی حکام سے ملاقات کی، انگلش کرکٹ بورڈ کا وفد کراچی، لاہور اور ملتان کا بھی دورہ کرے گا۔

ذرائع نے بتایا ہے کہ انگلش ٹیم کی پاکستان آمد 15 ستمبر کو تجویز کی گئی ہے۔

یاد رہے کہ انگلش ٹیم رواں سال 7 ٹی ٹوئنٹی میچز اور بعد میں 3 ٹیسٹ میچز کیلئے پاکستان آئے گی۔