ملک کو درپیش سیاسی اور معاشی بحران کے باعث اسٹیبلشمنٹ نے سیاسی معاملات میں ثالثی کا فیصلہ کیا ہے۔

ذرائع کے مطابق ملک کو بحران سے بچانے کیلئے اسٹیبلشمنٹ حکومت اور اپوزیشن کو مذاکرات کی میز پر لانے کیلئے نرم مداخلت کا فیصلہ کیا ہے۔

ذرائع کا کہنا ہے کہ فریقین میں مذاکرات کے ذریعے رواں برس اکتوبر میں عام انتخابات کی راہ ہموار کی جائے گی۔

واضح رہے کہ گزشتہ روز وزیراعلیٰ پنجاب کے انتخاب کے دوران ق لیگ کے 10 ووٹ مسترد ہونے اور حمزہ شہباز کے دوبارہ وزیراعلیٰ پنجاب منتخب ہونے کے بعد ملک کو درپیش سیاسی بحران میں مزید اضافہ ہو گیا ہے، جس کے بعد اسٹیبلشمنٹ کا یہ فیصلہ سامنے آیا ہے۔