وفاقی وزیر میاں جاوید لطیف نے اداروں سےنواز شریف کی سزائیں ختم کرنے کا مطالبہ ہے۔

اسلام آباد میں پریس کانفرنس کرتے ہوئے میاں جاوید لطیف کا کہنا تھا کہ سپریم کورٹ کے فیصلے کے خلاف کسی رہنماء کے بغیر عوام کے کئے گئے احتجاج کو سپریم کورٹ پر حملہ قرار دیا جاتا ہے، تو جمعے کے روز جنہوں نے پٹیشن دائر کرنے کیلئے سپریم کورٹ کی لاہور رجسٹری کی دیواریں پھلانگیں، سپریم کورٹ کا دروازہ توڑا، وہ لوگ کیا پھول لے کر گئے تھے۔

انہوں نے کہا کہ اگر کسی لیڈر کے بغیر احتجاج کا یہ سلسلہ جاری رہا، تو یہ احتجاج اسلام آباد میں بھی ہوں گے اور پنڈی میں بھی ہوں گے، پھر یہ رستہ خونی انقلاب کی طرف جائے گا، جو نظر آ رہا ہے۔

میاں جاوید لطیف کا کہنا تھا کہ ہم آج بھی مطالبہ ہے کہ نواز شریف سمیت ہر پاکستانی کو لیول پلیئنگ فیلڈ ملنی چاہیے۔ نواز شریف کے کیس جیسے بنائے گئے، جیسے سزائیں سنائی گئیں، ویسے ہی یہ فیصلے واپس ہونے چاہئیں۔