دبئی میں ہونے والے ایشیاء کپ کے لیے بھارت اور پاکستان کے 28 اگست کے میچ کی تمام ٹکٹس چند منٹوں میں فروخت ہوگئیں۔

متحدہ عرب امارات میں تقریباً 50 منٹ کے ممکنہ انتظار کے ساتھ بکنگ کھلنے کے بعد 5000 سے زیادہ شائقین قطار میں کھڑے تھے۔ایشیاء کپ 2022ء کے ٹکٹوں کی فروخت 15 اگست سے شروع ہوئی۔ شیڈول کے مطابق کرکٹ شائقین کو ایک نعمت کا انتظار ہے کیونکہ 16 روزہ ایونٹ کے دوران انڈیا اور پاکستان تین بار آمنے سامنے ہو سکتے ہیں۔ ایشیائی سپر پاورز گروپ اے اور فائنل میں اپنے اوپنر کے بعد راؤنڈ رابن سپر فور مرحلے میں دوبارہ ملیں گی۔

 چھ ٹیموں پر مشتمل ایشیاء کپ کا آغاز 27 اگست کو دبئی میں میزبان سری لنکا اور افغانستان کے درمیان میچ سے ہوگا جب کہ اگلے دن انڈیا کا مقابلہ پاکستان سے ہوگا۔ دبئی اور شارجہ پورے میچوں کی میزبانی کریں گے اور فائنل 11 ستمبر کو دبئی انٹرنیشنل سٹیڈیم میں کھیلا جائے گا۔

ایشیاء کپ ٹوئنٹی 20 ابتدائی طور پر سری لنکا میں ہونا تھا لیکن وہاں کی موجودہ سیاسی صورت حال کے پیشِ نظر ایشیاء کرکٹ کونسل کو اسے متحدہ عرب امارات منتقل کرنا پڑا۔ایشیاء کپ جو آخری بار 2018ء میں 50 اوور کے فارمیٹ میں متحدہ عرب امارات میں منعقد ہوا تھا، اب ٹی ٹوئنٹی فارمیٹ میں گروپ اے اور بی میں تین تین ٹیموں کے ساتھ کھیلا جائے گا۔

2018ء کے فائنل میں بھارت نے دبئی انٹرنیشنل سٹیڈیم میں بنگلہ دیش کو تین وکٹوں سے شکست دی تھی۔