ان دنوں ایشیا کپ ٹی ٹوئنٹی کیلئے پاکستان ،بھارت سمیت خطے کی دیگر کرکٹ ٹیمیں دبئی میں موجود ہیں۔ 

جمعے کے روز بھارتی کرکٹ ٹیم کے کپتان روہت شرما نے  پریکٹس کے بعد  پاکستانی کرکٹ فین کی خواہش پوری کر دی۔

 روہت شرما نے  بیٹنگ پریکٹس کے بعد گراؤنڈ سے باہر جنگلے کے ساتھ کھڑے پاکستانی فینز سے ملاقات کی اور ہاتھ بھی ملایا۔

اس دوران پاکستانی فینز  روہت شرما کی تصاویر بناتے رہے۔

اس موقع پر ایک فین نے خوشی کا اظہار کرتے ہوئے روہت سے کہا کہ جنگلے کے باہر سے مجھ سے گلے ملیں تو بھارتی کپتان  پاکستانی فین سے بظاہر  سینے سے سینا ملا کر گلے ملے۔

نوجوان کا کہنا تھا کہ میرے دل کے ارمان پورے ہوگئے، میں روہت بھائی سے بہت پیار کرتا ہوں۔

 بعد ازاں  ایک اور فین نے کہا کہ میری روہت بھائی سے درخواست ہے کہ وہ پاکستان کے خلاف تھوڑا ہاتھ ہلکا رکھیں۔

واضح رہے کہ 28 اگست کو پاکستان اور بھارت ایشیا کپ میں ایک دوسرے کے مدمقابل ہوں گے۔

Unbelievable craze for the Hitman Rohit Sharma among Pakistani fans. @ImRo45 💙😊. pic.twitter.com/KZgBxkrrFK

— Rohit Sharma Fanclub India (@Imro_fanclub) August 26, 2022