آسٹریلوی بگ بیش ٹی ٹوئنٹی لیگ میں ہوبارٹ ہریکنز نے شاداب خان سمیت پاکستان کے تین کھلاڑیوں کو پک کر لیا ہے۔
تفصیلات کے مطابق بگ بیش لیگ کے سوشل میڈیا پیچ پر ایک ویڈیو جاری کی گئی ہے جس میں ہوبارٹ ہریکنز کے ہیڈ آف سٹریٹجی رکی پونٹنگ سے پلیئر سلیکشن کا کہا جاتا ہے تو وہ قومی آل راؤنڈر شاداب خان، کا نام لیتے ہیں اس کے بعد وہ مڈل آرڈر بیٹر آصف علی اور آل راؤنڈر فہیم اشرف کو منتخب کرتے ہیں، رکی پونٹنگ ساتھ میں کھلاڑیوں کو سلیکٹ کرنے کی وجہ بھی بتاتے ہیں، رکی پونٹنگ کے مطابق شاداب خان ایک بہترین فیلڈر اور سپنر ہونے کیساتھ ساتھ اچھے ہٹر بھی ہیں ، اسی طرح آصف علی مڈل آرڈر بیٹسمین کے طور پر بہترین ہٹر ہیں، جبکہ فہیم اشرف بہترین آل راؤنڈر ہونے کے ساتھ ساتھ ڈیتھ آورز کے بہترین ہٹر ہیں۔
شاداب خان کو ہوبارٹ ہوریکینز نے پلاٹینم کیٹیگری میں پک کیا ہے، پلاٹینم کیٹیگری کے کھلاڑی کا معاوضہ ایک لاکھ 92 ہزار پاؤنڈ ہے۔ دوسری جانب آصف علی گولڈ کیٹیگری پلیئر کے طور پر منتخب ہوئے ہیں، اس کیٹیگری میں پلیئرز کو سیزن کے ایک لاکھ 47 ہزار پاؤنڈ ملیں گے۔
