ایشیا کپ 2022 میں افغانستان اور پاکستان کے مقابلے سے قبل قومی ٹیم کے سابق فاسٹ بولر افغان کرکٹ ٹیم کے بولنگ کوچ عمر گل کی اہلیہ نے شوہر سے درخواست کر دی۔
ڈاکٹر مریم نے ٹوئٹر پر جاری بیان میں شوہر عمر گل کی ٹوئٹ پر جہاں انھیں مبارکباد دی وہیں پاکستان کے خلاف میچ میں ہاتھ ہولا رکھنے کی درخواست بھی کر دی۔
عمر گل نے اپنی ٹوئٹ میں افغان ٹیم کی تعریف کرتے ہوئے لکھا تھا کہ ’اس ٹیم پر فخر ہے ابھی مزید میچز میں کامیابی حاصل کرنی ہے‘۔
Pakistan k khilaf zara haat hola rakhna coach saab 🙈🙈 congratulations 🎉 https://t.co/VAmlAleWUz
— Dr Mariamnaqsh (@MariamNaqsh) August 30, 2022
جس پر ان کی اہلیہ ڈاکٹر مریم نے شوہر کو شاندار کامیابی پر مبارکباد دی اور ٹوئٹ کرتے ہوئے لکھا کہ کوچ صاحب پاکستان کے خلاف ذرا ہاتھ ہولا رکھنا۔
واضح رہے کہ عمر گل افغانستان کرکٹ ٹیم کے بولنگ کوچ ہیں جبکہ افغانستان کی ٹیم ایشیا کپ میں 2 میچز جیت کر سپر فور میں پہنچ چکی ہے۔
