پاکستان کرکٹ ٹیم کے سابق کپتان انضمام الحق کا کہنا ہے کہ پاکستان کو ایشیا کپ میں ہانگ کانگ کو ہلکا نہیں لینا چاہیے۔

انضمام الحق نے کہا کہ میں سمجھتا ہوں حیدر علی کو چانس ملنا چاہیے، خوشدل اور آصف پر رسک لینا چاہیے۔

انضمام الحق نے مزید کہا کہ شعیب ملک کی طرح کا کوئی کھلاڑی ٹیم میں ہوتا تو اچھا ہوتا۔

خیال رہے کہ ایشیا کپ میں پاکستان اپنا پہلا میچ بھارت سے ہار چکا ہے جبکہ اس کا اگلا مقابلہ ہانگ کانگ سے ہے جو اس کیلئے جیتنا بے حد ضروری ہے ورنہ پاکستان ایشیا کپ سے باہر ہوجائے گا۔