بھارتی اداکارہ کنگنا رناوت نے فلم ساز مہیش بھٹ کے متعلق دعویٰ کیا ہے کہ انہوں نے اسلام قبول کر لیا ہے اور وہ اپنا اصلی نام اسلم لوگوں سے چھپاتے ہیں۔

انسٹاگرام پر مہیش بھٹ کی پرانی وڈیوز کے کلپ شیئر کرتے ہوئے اداکارہ نے مہیش بھٹ کو نشانے پر رکھتے ہوئے یہ بھی کہا کہ وہ لوگوں کو شاعرانہ طور پر تشدد پر اکساتے ہیں۔

واضح رہے کہ کنگنا رناوت نے اپنی ادکاری کا آغاز 2006ء میں مہیش بھٹ کی فلم گینگسٹر سے کیا تھا، اداکارہ کا کہنا تھا کہ مہیش بھٹ جب مسلمان ہوچکے ہیں تو ان کو ایک مخصوص مذہبی شناخت والا نام نہیں رکھنا چاہئے۔

یاد رہے کہ 2020ء سے مہیش بھٹ اور کنگنا رناوت کے درمیان تعلقات کشیدہ ہیں، جس کی وجہ یہ ے کہ مہیش بھٹ کی بیٹی اداکارہ اور فلم ساز پوجا بھٹ نے دھوکہ فلم میں کنگنا کو کردار دینے سے انکار کردیا تھا۔

رواں برس عالیہ بھٹ کی فلم گنگوبائی کاٹھیاواڑی کے ریلیز کے موقع پر بھی کنگنا رناوت نے مہیش بھٹ اور ان کی بیٹی کو شدید تنقید کا نشانہ بناتے ہوئے انہیں ایک مووی مافیا قرار دیا تھا۔