برطانوی کرکٹ بورڈ کے چیئرمین این واٹمور نے پاکستان میں سیریز نہ کھیلنے کے فیصلے کے متعلق گفتگو کرتے ہوئے کہا کہ دورہ پاکستان نہ کرنے کا فیصلہ بورڈ کا تھا، اس کیلئے کھلاڑیوں سے مشورہ نہیں کیا گیا تھا۔بورڈ نےٹیم کی مصروفیات کی وجہ سے ان کی ذہنی تندرستی کیلئے فیصلہ کیا جو کہ بہت مشکل فیصلہ تھا۔این واٹمور نے مزید کہا کہ پاکستان میں کرکٹ فینز کی مایوسی پر افسوس ہے، لیکن سیکیورٹی اور ویلفیئر کی ہدایات پر دورہ ملتوی کیا، مزید تفصیلات میں نہیں جاؤں گا۔
اگلے دورہ پاکستان کیلئے ہر ممکن کوشش کریں گے، پاکستان کے شکرگزار ہیں کہ وہ پچھلے سال برطانیہ آئے، پاکستان کے ساتھ نئے سرے سے بہترین تعلقات کیلئے پرامید ہیں۔
برطانوی کرکٹ بورڈ کے بیان پر اپنے ردعمل میں وفاقی وزیراطلاعات کا کہنا تھا کہ انگلش کرکٹ بورڈ کی معذرت ہمارے موقف کی بڑی کامیابی ہے، کرکٹ کے کھلاڑیوں، سفارت کاروں، انٹرنیشنل میڈیا اور ان تمام لوگوں کا شکریہ جنہوں نے اس معاملے پر پاکستان کا ساتھ دیا پاکستان کی کرکٹ کے خلاف ایک اور سازش ناکام ہوئی۔
انگلش کرکٹ بورڈ کی معزرت اور پاکستان کے دورے کا اعلان ہمارے مؤقف کی بڑی کامیابی ہے، کرکٹ کے کھلاڑیوں، سفارت کاروں، انٹرنیشنل میڈیا اور ان تمام لوگوں کا شکریہ جنہوں نے اس معاملےپرپاکستان کا ساتھ دیا پاکستان کی کرکٹ کیخلاف ایک اور سازش ناکام ہوئ،
— Ch Fawad Hussain (@fawadchaudhry) September 29, 2021
