قومی کرکٹ ٹیم کے سابق کپتان انضمام الحق کا کہنا ہےکہ سری لنکا سے بھارت کی ہار کی ایک وجہ اس کی پاکستان کے ہاتھوں شکست بھی ہے۔
انضام الحق کا کہنا ہےکہ پاکستان سے ہارنے کے بعد بھارتی ٹیم دباؤ میں تھی، سری لنکا کےخلاف میچ میں بھی بھارتی ٹیم دباؤ میں نظرآئی۔
انضام الحق نے سری لنکن ٹیم کی بھی تعریف کی اورکہا کہ ایشیا کپ میں سری لنکا نے سب سے اچھی کرکٹ کھیلی، پاکستان بھی بہتر کرکٹ کھیل رہا ہے۔
خیال رہے کہ گزشتہ روز ایشیا کپ سپر فور کے میچ میں بھارت کو سری لنکا نے 6 وکٹ سے شکست دی جس کے بعد سپر 4 میں سری لنکا دو میچز میں چار پوائنٹس کے ساتھ پہلی، پاکستان ایک میچ میں دو پوائنٹس کے ساتھ دوسری نمبر پر ہے۔
بھارت دو میچز میں ایک بھی پوائنٹ نہ لے سکا جبکہ افغانستان ایک میچ کھیلا اور اس میں ناکام رہا۔
