ایشیاء کپ 2022ء کے اہم میچ میں نسیم شاہ نے آخری اوور میں مسلسل دو چھکے لگا کر پاکستان کو افغانستان سے ایک وکٹ کی فتح دلا دی۔
The victory sprint 😍
Man of the moment @iNaseemShah 🫡#AsiaCup2022 | #AFGvPAK pic.twitter.com/JRzjL5GbmE
— Pakistan Cricket (@TheRealPCB) September 7, 2022
شارجہ میں کھیلے جارہے میچ میں بابراعظم نے ٹاس جیتا اور افغانستان کے خلاف پہلے فیلڈنگ کا فیصلہ کیا، افغانستان کے دونوں اوپنرز نے پاکستانی باؤلرز کے خلاف پراعتماد آغاز کیا اور پہلے اوور میں محتاط انداز اپنایا تاہم محمد حسنین کے اوور میں رحمٰن اللہ گرباز نے مسلسل دو چھکے لگا کر اسکور 20 رنز تک پہنچایا۔
حارث رؤف چوتھا اوور کرنے آئے تاہم تیسری گیند پر نسیم شاہ نے باؤنڈری پر ایک آسان کیچ ڈراپ کرتے ہوئے حضرت اللہ زازئی کو قیمتی موقع دیا۔
افغانستان کی ٹیم کو حارث نے پانچویں گیند پر زبردست دھچکا پہنچایا اور گزشتہ میچوں میں اچھی کارکردگی دکھانے والے رحمٰن اللہ گرباز کی وکٹیں اڑا دیں۔رحمٰن اللہ گرباز نے حسنین کے اوور میں لگائے 2 چھکوں کی مدد سے 11 گیندوں پر 17 رنز بنائے تھے۔
محمد حسنین اپنے دوسرے اوور میں بھی مشکلات کا شکار نظر آئے جہاں انہیں ایک وائیڈ بال کے علاوہ ایک چوکا بھی برداشت کرنا پڑا تاہم پانچویں گیند پر حضرت اللہ زازئی کو کلین بولڈ کرتے ہوئے حساب برابر کردیا۔
افغانستان نے مقررہ اوورز میں 6 وکٹوں کے نقصان پر 129 رنز بنائے۔
Pakistan restrict Afghanistan to 129-6 🏏
Brilliant effort from the bowlers 👏#AsiaCup2022 | #AFGvPAK pic.twitter.com/60iOuYGiGa
— Pakistan Cricket (@TheRealPCB) September 7, 2022
پاکستان کی جانب سے حارث رؤف نے سب سے زیادہ 2 وکٹیں حاصل کیں جبکہ دیگر باؤلرز کو ایک،ایک وکٹ ملی۔
پاکستان نے ہدف کا تعاقب شروع کیا تو کپتان بابراعظم پہلے اوور کی دوسری گیند پر آؤٹ ہوگئے، فضل حق نے انہیں ایل بی ڈبلیو کیا۔
کپتان کے آؤٹ ہونے کے بعد فخرزمان بیٹنگ کے لیے آئے تو بلے باز پریشان دکھائی دیے اور فخرزمان 9 گیندوں پر 5 رنز بنا کر رن آؤٹ ہوگئے۔
محمد رضوان اور افتخار احمد نے تیسری وکٹ پر 27 رنز کی شراکت قائم کرتے ہوئے اسکور 9 ویں اوور میں 45 رنز تک پہنچایا۔
راشد خان نے بہترین اسپن باؤلنگ کے ذریعے ٹورنامنٹ کے بہترین بلےباز محمد رضوان کو ایل بی ڈبلیو کردیا جنہوں نے ایک چوکے اور ایک چھکے کی مدد سے 20 رنز بنالیے تھے۔
شاداب خان ٹیم کو واپس اچھی پوزیشن کی طرف لے آئے اور 13 ویں اوور میں محمد نبی کو ایک بلند و بالا چھکا رسید کیا اور دوسرے اینڈ سے افتخار احمد نے ان کا ساتھ دیا۔
چوتھی وکٹ پر 42 رنز کی شراکت ہوئی لیکن فرید احمد کی گیند پر افتخار احمد ایک اونچا شاٹ کھیلنے کی کوشش میں ابراہیم زدران کا کیچ بنے، ان کی اننگز 33 گیندوں میں 30 رنز پر مشتمل تھی۔
شاداب خان نے ٹیم کو 97 کے اسکور تک پہنچایا لیکن وہ ایک چوکے اور 3 چھکوں کی مدد سے36 رنز بنا کر راشد خان کی وکٹ بنے۔
🇵🇰: 52-3 after 10 overs@IftiAhmed221 and @76Shadabkhan are batting in the middle as Pakistan require 78 runs in 60 balls 🏏#AsiaCup2022 | #AFGvPAK pic.twitter.com/Ve5KMHqY3g
— Pakistan Cricket (@TheRealPCB) September 7, 2022
بھارت کےخلاف فتح گر کارکردگی دکھانے والے محمد نواز افغانستان کے خلاف اچھی اننگز کھیلنے میں ناکام ہوئے اور صرف 4 رنز بنا کر فضل حق فاروقی کی گیند پر ایل بی ڈبلیو آؤٹ ہوئے تو ٹیم مزید دباؤ میں آگئی۔
خوشدل شاہ بھی مکمل طور پر ناکام رہے اور صرف ایک رن بنایا اور انہیں فرید احمد بولڈ کردیا۔
حارث رؤف بھی ایک گیند کے مہمان ثابت ہوئے اور فرید احمد صفر پر بولڈ کردیا۔
آصف علی نے 8 گیندوں پر 2 چھکوں کی مدد سے 16 رنز بنا کر آؤٹ ہونے والے 9 ویں بلے باز تھے۔
نوجوان نسیم شاہ نے جب تمام بلے باز ناکام ہو کر پویلین لوٹ گئے تو کریز سنبھالی اور آخری اوور کی ابتدائی دونوں گیندوں پر دو چھکے رسید کرتے ہوئے ایک وکٹ سے فتح دلائی اور افغانستان کی امیدیں دم توڑ گئیں۔
پاکستان نے 20 ویں اوور کی دوسری گیند پر 9 وکٹوں کے نقصان پر 131 رنز بنا لیے۔
نسیم شاہ نے آؤٹ ہوئے بغیر 4 گیندوں پر 14 رنز بنائے، محمد حسنین دوسرے اینڈ کر کسی گیند کا سامنا کیے بغیر کھڑے رہے۔
UNBELIEVABLE FINISH! 🤩
Pakistan are through to the Asia Cup final💪#AsiaCup2022 | #AFGvPAK pic.twitter.com/T2KGjTmo5k
— Pakistan Cricket (@TheRealPCB) September 7, 2022
