بھارت کے ٹیلی ویژن شو کپل شرما کے اہم کردار چندو چائے والا نے نئے سیزن میں واپس نہ آنے کی وجہ بتادی۔
تفصیلات کے مطابق کپل شرما اپنے شو کے تیسرے سیزن کے ساتھ واپسی کر رہے ہیں جس کی خود وہ بھی تصدیق کرچکے ہیں، تاہم اس نئے سیزن میں چندو چائے والا (چندن پربھاکر) مداحوں کو نظر نہیں آئیں گے۔
Coming soon 😍 only on @SonyTV #TheKapilSharmaShow #tkss #newseason 🤩🎉🙏 @Banijayasia pic.twitter.com/X1jeRvceq1
— Kapil Sharma (@KapilSharmaK9) August 25, 2022
ایک انٹرویو کے دوران جب چندن پربھاکر سے سوال کیا گیا کہ کیا وہ شو کے نئے سیزن میں اسکرین پر مداحوں کے چہروں پر ہنسی بکھیرتے ہوئے نظر آئیں گے، جس پر انہوں نے جواب دیا کہ میں کپل شرما شو کے نئے سیزن کا حصہ نہیں ہوں گا جبکہ اس میں شامل نہ ہونے کی کوئی خاص وجہ بھی نہیں ہے۔
ساتھ میں انہوں نے یہ بھی کہا کہ وہ صرف کام سے کچھ عرصے کیلئے بریک لینا چاہتے ہیں۔
یاد رہے کہ چندن نے لافٹر چیلنج سے 2007ء میں اپنے فنی کیریئر کا آغاز کیا تھا، وہ یہ جیت تو نہ سکے، لیکن مداحوں کے دلوں میں اپنی جگہ بنانے میں ضرور کامیاب ہوئے۔
کپل شرما شو میں کردار حوالدار ہرپال سنگھ، جھنڈا سنگھ، راجو اور چندو چائے والا کے ناموں سے انہیں زیادہ جانا جاتا ہے۔
واضح رہے کہ دی کپل شرما کے نئے سیزن کا آغاز 10 ستمبر سے ہو رہا ہے۔
