پاکستان اور انگلینڈ کی کرکٹ ٹیموں کے درمیان ٹی ٹونٹی انٹرنیشنل میچز پر مشتمل سیریز کا آغاز 20 ستمبر کو کراچی سے ہوگا۔

تفصیلات کے مطابق  سیریز میں شرکت کیلئے مہمان برطانوی ٹیم 15 ستمبر کو کراچی پہنچے گی۔سیریز کے ابتدائی چار میچز20، 22، 23 اور 25 ستمبر کو نیشنل سٹیڈیم کراچی میں کھیلے جائیں گے جبکہ 28، 30 ستمبر اور 2 اکتوبر کو شیڈول میچز قذافی سٹیڈیم لاہور میں کھیلے جائیں گے۔

ترجمان پی سی بی کے مطابق انگلینڈ کی ٹیم جمعرات کی صبح پاکستان پہنچے گی۔دونوں ٹیموں کا نیشنل سٹیڈیم کراچی میں ٹریننگ سیشن 17ستمبر کو ہو گا۔

دونوں ٹیموں کے مابین پہلا ٹی ٹونٹی انٹرنیشنل میچ20ستمبر کو ہو گا۔22 اور 23 ستمبر کودونوں ٹیموں کے مابین بالترتیب دوسرا اور تیسرا ٹی ٹونٹی انٹرنیشنل میچ کھیلا جائے گا۔ دونوں ٹیموں کے مابین چوتھا ٹی ٹونٹی انٹرنیشنل میچ25ستمبر کو کھیلا جائے گا۔