سعودی عرب نے عمرہ زائرین کیلئے ویزے کی معیاد ایک سے بڑھا کر 3 ماہ کردی ہے۔
سعودی عرب کے وزیرحج اورعمرہ ڈاکٹر توفیق الربیع نے بیان میں کہا کہ دنیا کے تمام ممالک سے آنے والے عمرہ زائرین کیلئے ویزے کی مدت ایک سے بڑھا کر 3 ماہ کردی گئی ہے۔
انہوں نے کہا کہ سعودی عرب آنے والے عمرہ زائرین اب 3 ماہ تک مملکت میں قیام کرسکیں گے۔ آن لائن پلیٹ فارم نسک کے ذریعے عمرہ اور زیارت ویزوں کا اجرا آسان کردیا گیا ہے۔
یاد رہے کہ سعودی حکومت ویژن 2030ء کے مطابق جدید ترین ٹیکنالوجی کے استعمال سے حج اور عمرہ ذائرین کی بہترین خدمات اور آسانیاں پیدا کرنے کیلئے کوشاں ہے۔