وزیراعظم کے مشیر برائے قومی سلامتی معید یوسف نے کہا ہے کہ دہشت گردی پاکستان کے استحکام کیلئے ایک بڑا خطرہ ہے،دنیاکو ماضی کی غلطیوں سے سبق سیکھنا چاہیے،اس پر کوئی دو رائے نہیں کہ  افغانستان میں امن اور استحکام  کیلئےپاکستان ہمیشہ سے کوششیں کرتا آ رہا ہے ۔نیشنل یونیورسٹی  آف سائنس اینڈ ٹیکنالوجی میں منعقد اسلام آباد سیکیورٹی ڈائیلاگ کے خصوصی سیشن میں افغانستان صورتحال پر خطاب کرتے ہوئے مشیر قومی سلامتی نے افغانستان پر تاریخی نقطہ نظر پیش کیا۔ معید یوسف نے کہاکہ نائن الیون کے بعد کی افغانستان سے متعلق پالیسیوں کی وجہ سے پاکستان میں دہشت گردی آئی، پاکستان ایک مستحکم افغانستان چاہتا ہے  اور اس کیلئے مخلصانہ کوششیں جاری رکھے ہوئے ہے۔