آج اسلام آباد میں پریس کانفرنس کرتے ہوئے مسلم لیگ (ن) کے جنرل سیکرٹری احسن اقبال کا کہنا تھا کہ 7 روز قومی اسمبلی کا کورم ٹوٹنا وزیراعظم پر عدم اعتماد کا اظہار ہے، صدر پاکستان وزیراعظم عمران خان کو پارلیمنٹ سے اعتماد کا ووٹ لینے کی ہدایت کریں۔
ن لیگ کے دور حکومت میں بننے والی سڑکوں کی تحقیقات کیلئے وزیراعظم کی ایف آئی اے کو ہدایات کے متعلق گفتگو کرتے ہوئے ان کا کہنا تھا کہ ایف ڈبلیو او یا این ایل سی نے سی پیک کے منصوبے بنائے تو وزیر اعظم بتائیں کہ کیاان اداروں نے پیسہ کمایا ہے؟ کرپشن کی دو صورتیں ہیں یا چین کی کمپنیوں نے قوم کا پیسہ کھایا ہے ،یا پاکستانی فوج نے قوم کا پیسہ کھایا ہے۔
جو پروجیکٹس بنے یا تو وہ سی پیک کے تحت چائنیز کمپنیز نے براہ راست چین کی فنانسنگ سے تعمیر کیے دوسرے منصوبے وہ ہیں جو ہماری پاک فوج کے ادارے FWO اور NLC نے بنائے.وزیراعظم یہ بھی بتائیں کرپشن CPECکے منصوبوں میں ہوئی یا اوور بڈنگ کرکےFWO اور NLC نے پیسہ کمایا@betterpakistan pic.twitter.com/BKMKILAkMl
— PML(N) (@pmln_org) September 30, 2021
احسن اقبال کا کہنا تھا کہ یہ شخص نفسیاتی مریض ہے اور خود کچھ کرنے کے قابل نہیں ہے، یہ پاکستانی قوم کے منصوبوں کو متنازع بنانا چاہتا ہے،موٹرویز کے منصوبے دو طرح کے ہیں، ایک فلڈ ایریا ز کی موٹرویز ہیں اور دوسری نان فلڈ ایریا زمیں بنتی ہیں،اس کے ساتھ بڈ پرائس اور تکمیل کی پرائس میں فرق ہوتا ہے،وزیر اعظم مکمل منصوبوں کی لاگت کا بڈ پرائس کے ساتھ موازنہ کررہے ہیں ،یہ ایسا ہی ہے ایک آپ آموں کا سیبوں سے موازنہ کریں، قوم کو بیوقوف بنانا چھوڑدیں، کیونکہ آپ کے الزامات کا مطلب دوست ملک چین اور پاکستان کے اداروں کو بدنام کرنا ہے۔
وزیراعظم اور حکومتی وزراء پر تنقید کرتے ہوئے ان کا کہنا تھا کہ دو روز سے سلیکٹڈ وزیراعظم نے مسلم لیگ ن کے دور حکومت کے منصوبوں پرقوم کو گمراہ کرنے کی کوشش کی ہے،یا تو وزیر اعظم کے مشیر نالائق ہیں یا وزیر اعظم خود قوم کو گمراہ کررہے ہیں۔
افسوس سے کہنا پڑتا ہے یہ شخص کچھ کرنے کے قابل نہیں ہے صرف تقریریں کرکے لوگوں کو گمراہ کرسکتا ہے انکی ذہنی حالت کا اندازہ کیجیے کہ کتنا انکے ذہن پہ سوارہے کہ پاکستان 2018سے پہلے شاید سب برا تھا@betterpakistan pic.twitter.com/KM0H0ZVQqU
— PML(N) (@pmln_org) September 30, 2021
