پاکستان نے ویسٹ انڈیز کے خلاف شاندار کھیل کا مظاہرہ کرتے ہوئے3 ٹی ٹونٹی میچز پر مشتمل سیریز کے پہلے میچ میں ویسٹ انڈیز کو 65 رنز سے شکست دے دی۔
It's a WRAP from the National Stadium Karachi!
Pakistan win by 63 runs and go 1-0 in three-match #PAKvWI T20I series.#HumTouKhelainGey pic.twitter.com/QqGvlhgauZ— Pakistan Cricket (@TheRealPCB) December 13, 2021
میچ کے آغاز میں ویسٹ انڈیز نے ٹاس جیت کر پاکستان کو بیٹنگ کی دعوت دی تو پہلے ہی اوور کی چوتھی بال پر کپتان بابر اعظم بغیر کوئی رن بنائے آؤٹ ہو گئے، ان کے بعد فخرزمان اور محمد رضوان نے دوسری وکٹ کی شراکت میں 10 رنز بنائے اور ٹیم کا اسکور 35 رنز تک پہنچایا۔ محمد رضوان نے شاندار کھیل پیش کرتے ہوئے 32 گیندوں پر ففٹی سکور کی، جبکہ حیدرعلی نے بھی 28 گیندوں پر 5 چوکوں اور 3 چھکوں کی مدد سے اپنی ففٹی مکمل کی۔
پاکستان نے مقررہ 20 اوورز میں 6 وکٹوں نے نقصان پر 200 رنز بنائے، جس کے تعاقب میں ویسٹ انڈیز کی ٹیم 19 اوورز میں 137 رنز بنا کر پویلین لوٹ گئی۔
پاکستان کی جانب سے محمد وسیم جونیئر نے شاندار با ؤلنگ کرتے ہوئے 4 کھلاڑیوں کو آؤٹ کیا۔
یاد رہے کہ ویسٹ انڈیز ٹیم کے دورہ پاکستان میں دونوں ٹیموں کے مابین 3 ٹی20 اور 3 ون ڈے انٹرنیشنل میچز کھیلے جائیں گے، اور تمام میچز کراچی میں ہی منعقد ہوں گے۔دوسرا ٹی 20 میچ 14 اور تیسرا 16 دسمبر 2021ءکو کھیلا جائے گا،جبکہ پہلا ون ڈے 18، دوسرا 20 اور تیسرا 22 دسمبر 2021ء کو کھیلا جائے گا۔
