وفاقی وزیر توانائی حماد اظہر کہتے ہیں کہ موجودہ حکومت کے دورمیں ایل این جی خریدنے یا نہ خریدنے کے خلاف پراپیگنڈا کیا جا رہا ہے۔

اسلام آباد میں تقریب سے خطاب کرتے ہوئے وزیر توانائی نے کہا اس سال سردیوں میں گیس کی لوڈشیڈنگ پچھلے برسوں سے کم ہے۔ ان کا کہنا تھا کہ سردیوں میں گیس کی قلت کا ایل این جی سے کوئی تعلق نہیں،اگر درآمدی گیس صارفین کو دینا شروع کردیں تو گیس کمپنیاں دیوالیہ ہو جائیں گی۔ گیس کی مسئلے پر قانون سازی کرنے جارہے ہیں۔

حماد اظہرنے کہا کہ ایل این جی کے نئے ٹرمینلز لگانے جا رہے ہیں۔ ان کا کہنا تھا کہ ٹرمینلز گیس پائپ لائنز سے صارفین کو گیس فراہم کرسکیں گے۔ وفاقی وزیر توانائی حماد اظہر نے کہا کہ ملک میں 1950 کے بعد سے گیس کا بڑا ذخیرہ دریافت نہیں ہوا ہے۔ انہوں نے کہا کہ ماضی میں اس مسئلے کو درست طریقےسے بیان نہیں کیا گیا۔

حماد اظہر کا تقریب سے خطاب کرتے ہوئے کہنا تھا کہ گیس کے مسئلے پرقانون سازی کرنے جا رہے ہیں۔ انہوں نے کہا کہ مقامی اوردرآمدی گیس کی اوسط قیمت کے لیے قانون سازی کرنا چاہتے ہیں۔

حماد اظہر کا کہنا تھا کہ دور دراز علاقوں میں ہمیں سمارٹ گرڈذ پر جانا ہے۔ کہا جاتا ہے کہ حکومت کے ایل این جی نہ خریدنے سے گیس کی قلت پیدا ہوتی ہے،گیس کی قلت کا ایل این جی سے کوئی تعلق نہیں ہے۔