جہانگیر ترین نے کہا ہے کہ میں نے کبھی بنی گالا کے رہائشی اخراجات کے لیے ایک روپیہ تک ادا نہیں کیا۔
پی ٹی آئی کے رہنما جہانگیر ترین نے ٹوئٹر پر جاری ایک پیغام میں کہا ہے کہ وزیر اعظم عمران خان کے ساتھ میرے جیسے مرضی تعلقات ہوں لیکن ہمیشہ سچ بولنا چاہیے۔
Regardless of the current status of my relationship with Imran khan, the truth must be told. I did whatever was in my capacity to help PTI in the quest to build a new Pakistan but I never gave a penny for the household expenses of Bani Gala. Just want to set the record straight.
— Jahangir Khan Tareen (@JahangirKTareen) December 15, 2021
انہوں نے کہا کہ میں نے نیا پاکستان بنانے کے لئے جس حد تک ہوسکتا تھا تحریک انصاف کی مدد کی۔ لیکن ریکارڈ کی درستگی ضروری ہے میں نے کبھی بنی گالا کے رہائشی اخراجات کے لئے ایک روپیہ تک ادا نہیں کیا۔
یاد رہے کہ جسٹس ریٹائرڈ وجیہہ الدین نے چند روز قبل ایک بیان میں کہا تھا کہ جہانگیر ترین عمران خان کے گھر کے اخراجات پورے کرنے کے لیے 30 لاکھ روپے ماہانہ دیا کرتے تھے اور بعد میں یہ رقم 50 لاکھ روپے ماہانہ تک پہنچ گئی تھی۔
وفاقی وزیر اطلاعات فواد چوہدری نے اس بیان پر جسٹس ریٹائرڈ وجیہہ الدین کو مسخرہ قرار دیتے ہوئے کہا تھا کہ ان کے گھر والے بھی انہیں نہیں پہنچانتے، ایسے لوگ اپنی اہمیت بنانے کیلئے مسخروں والی باتیں کرتے ہیں۔
