سونے کی قیمت میں فی تولہ 250 روپے کی کمی کر دی گئی۔

سندھ صرافہ ایسوسی ایشن کے مطابق سونے کی فی تولہ قیمت میں آج 250 روپے کی کمی ہوئی، جس کے بعد  سونے کی قیمت ایک لاکھ 24 ہزار 450 روپے فی تولہ ہو گئی ہے۔ اگر 10 گرام وزن کی بات کی جائے تو اس میں 214 روپے کی کمی سامنے آئی، جس کے بعد 10 گرام سونے کی قیمت ایک لاکھ 6 ہزار 696 روپے ہو گئی ہے۔

یاد رہے کہ پاکستان میں گذشتہ ہفتے سونے کی فی تولہ قیمت میں 600 روپے کا اضافہ ہوا تھا۔

ماہرین کا کہنا ہے کہ عالمی مارکیٹ میں سونے کی قیمت میں گراوٹ کے پاکستان کی صرافہ مارکیٹ پر اثرات آئندہ چند روز میں سامنے آئیں گے۔