وزیراعظم عمران خان نے ای کورٹ کے ذریعے اسلام آباد کی مقامی عدالت میں ہرجانہ کیس کی کارروائی میں حصہ لیا۔
اسلام آباد کے ایڈیشنل ڈسٹرکٹ و سیشن جج محمد عدنان کی عدالت میں سابقہ وزیرِ دفاع خواجہ آصف کے خلاف وزیرِ اعظم عمران خان کے ہتک عزت کے دعوے کی سماعت ہوئی۔ وزیرِ اعظم اپنے وکیل سینیٹر ولید اقبال کی موجودگی میں اپنے دفتر سے ای-کورٹ کے ذریعے عدالت میں پیش ہوئے۔
وزیراعظم عمران خان نے عدالت اپنے بیان حلفی میں کہا کہ فلاحی منصوبے پر جھوٹے الزامات لگا کرسیاست کیلئے استعمال کرنا افسوسناک ہے،عدالت سے امید ہے کہ وہ ایسے الزامات پرمثالی فیصلہ دے گی۔ بیان حلفی میں کہا شوکت خانم ٹرسٹ پرلوگوں کااعتماد قائم ہے۔انھوں نے مزید کہا کہ شوکت خانم ٹرسٹ دنیا میں منفرد مفت کینسرعلاج کااسپتال چلارہاہے، ایسےفلاحی منصوبے کو الزامات لگا کر سیاست کیلئے استعمال کرنا افسوسناک ہے۔
اس موقع پر وزیراعظم نے کہا کہ ای کورٹ سےعدالتی کارروائی چلاناخوش آئند اقدام ہے، ای کورٹ میں معززعدالت کے قیمتی وقت ، پیسے کی بچت ہوتی ہے اور کیسز کو وقت پرنمٹانےمیں معاون ثابت ہوگی۔عمران خان کا کہنا تھا کہ عدلیہ اور حکومتی ادارے داد تحسین کےمستحق ہیں۔وزیراعظم کا کہنا تھا کہ عدالت سےامیدہےکہ وہ ایسےالزامات پرمثالی فیصلہ دے گی، مثالی فیصلےسےآئندہ کیلئےاس روایت کوختم کرنے میں مدد ہوگی۔