انسداد دہشت گردی عدالت نے اورنگی پائلٹ پروجیکٹ کی ڈائریکٹر اور سماجی کارکن  پروین رحمان کے قتل کیس کا فیصلہ سنا دیا۔

عدالت نے جرم ثابت ہونے پر چار مجرموں کو دو دو مرتبہ عمر قید کی سزا سنادی، اور پونے 4 لاکھ فی کس جرمانے کی سزا بھی سنائی گئی ہے۔عمرقید کی سزاپانے والوں میں ایاز سواتی، رحیم سواتی، محمد امجد اور احمد عرف پپو کشمیری بھی شامل ہیں۔ عمران سواتی کو 7 برس 6 ماہ قید کا حکم دیا ہے۔

انسداد دہشت گردی کی عدالت نے  2 مفرور ملزمان شول داد اور موسیٰ کے دائمی وارنٹ گرفتاری جاری کرتے ہوئے دونوں مفرور ملزمان کا کیس داخل دفتر کردیا۔

پروین رحمان کو 13 مارچ 2013 میں آفس سے گھر جاتے ہوئے فائرنگ کرکے قتل گیا تھا۔سپریم کورٹ نے پروین رحمان کے قتل کیس کا از خود نوٹس لیا تھا۔