وزیر برائے امور پولیس نے ہیلی کاپٹر تباہ ہونے سے قبل خود کو ایجیکٹ کیا اور 12 گھنٹے مسلسل تیراکی کے بعد ساحل پر زندہ پہنچنے میں کامیاب ہو گئے۔
تفصیلات کے مطابق مڈغاسکر کے وزیر برائے امور پولیس سرجی گیلے تین پولیس افسران کے ہمراہ سمندر میں تباہ ہونے والے بحری جہاز کے معائنے کیلئے جا رہے تھے کہ رستے میں ان کا ہیلی کاپٹر تباہ ہو گیا۔ پورٹ اتھارٹی کے سربراہ نے بتایا ہے کہ بظاہر سرجی گیلے نے ہیلی کاپٹر مکمل کریش ہونے سے قبل خود کو ایجیکٹ کر لیا اور سمندر میں تیرتے ہوئے ساحل تک پہنچے۔
♦️Le GDI Serge GELLE, un des passagers de l'hélicoptère accidenté hier a été retrouvé sain et sauf ce matin du côté de Mahambo.
☑️ Les sapeurs sauveteurs de la #4°UPC ont également retrouvé le carcasse de l'hélicoptère au fond de la mer. pic.twitter.com/sP2abwTMwB— Ministère de la Défense Nationale Madagascar (@MDN_Madagascar) December 21, 2021
مڈغاسکر پولیس سربراہ کا کہنا ہے کہ سرجی گیلے نے ہیلی کاپٹر کی ایک سیٹ کو پانی کی سطح پر زیادہ دیر تک تیرنے کیلئے بطور سہارا استعمال کیا، جس میں وہ کامیاب رہے۔ مڈغاسکر پولیس نے بتایا ہے کہ ہیلی کاپٹر میں سوار ایک اور پولیس افسر بھی کسی دوسرے رستے سے تیر کر ساحل پر پہنچنے میں کامیاب ہو گئے ہیں، جبکہ 2 لاپتہ پولیس افسران کی تلاش ابھی جاری ہے، فوری طور پر ابھی ہیلی کاپٹر تباہ ہونے کی وجہ معلوم نہیں ہو سکی۔
حادثے کا شکار ہونے والا ہیلی کاپٹر وزیر اور پولیس افسران کو اس سمندری جہاز کے معائنے کیلئے لیکر جا رہا تھا، جو ہیلی کاپٹر حادثے سے ایک روز قبل سمندر میں تباہ ہو گیا تھا۔ امدادی کارکنان نے اس متاثرہ بحری جہاز سے 41 لاشیں بر آمد کر لی ہیں، جبکہ اس جہاز میں 130 افراد سوار تھے، جن میں سے 45 افراد کو زندہ بچا لیا گیا ہے۔
