ایک عرصے تک دنیا کی مقبول ترین سائٹ رہنے کے بعد اب یہ اعزاز گوگل کے پاس نہیں رہا۔
کلاؤڈ فلیئر کے مطابق سال 2021ء میں ٹک ٹاک نے گوگل سے دنیا کی سب زیادہ استعمال کی جانے والی ویب سائٹ کا اعزاز چھین لیا ہے۔
یاد رہے کہ گذشتہ برس ٹک ٹاک عالمی سطح پر ساتویں مقبول ترین ویب سائٹ تھی، اور اسے متعدد بار بھارت اور امریکہ سمیت کئی ممالک میں پابندی کا بھی سامنا رہا، لیکن اس کے باوجود ٹک ٹک کا پہلے نمبر پر آنا انتہائی حیران کن ہے۔
نئی فہرست کے مطابق ٹک ٹاک کے بعد بالترتیب گوگل، پھر فیس بک، پھر مائیکرو سافٹ، ایپل، ایمازون، نیٹ فلیکس، یوٹیوب، ٹوئٹر اور واٹس ایپ سب سے زیادہ ٹریفک حاصل کرنے والی مقبول ترین سائٹس ہیں۔
