ریٹرننگ آفیسر نے مردان میئر کے الیکشن میں ووٹوں کی دوبارہ گنتی مکمل کرنے کے بعد نتائج جاری کر دئیے۔

ریٹرننگ آفیسر مجیب الرحمان کے مطابق مردان میئر کے الیکشن میں ووٹوں کی دوبارہ گنتی مکمل کرلی گئی ہے جس میں اے این پی کے حمایت ماریا کے ووٹوں میں 2 ہزار 26 ووٹوں کا اضافہ ہوا جس سے ان کے ووٹوں کی تعداد 58 ہزار 484 ہو گئی ہے۔

آر  او نے کہا کہ دوبارہ گنتی میں جے یو آئی کے امیدوار مولانا امانت شاہ کے ووٹوں میں بھی 2 ہزار 28 ووٹوں کا اضافہ ہوا جس ان کے ووٹوں کی تعداد 51 ہزار 966 ہوگئی ہے اور  وہ دوسرے نمبر  پر ہیں۔

آر او کے مطابق میئر مردان کے الیکشن میں شکست کھانے والے مولانا امانت شاہ نے دوبارہ گنتی کے نتائج تسلیم کرلیے ہیں۔