سابق وزیراعظم بینظیر بھٹو شہید کی 14ویں برسی آج منائی جائے گی، گڑھی خدا بخش میں مرکزی تقریب کی تیاریاں مکمل کرلی گئیں۔
پاکستان پیپلز پارٹی کے چیئرمین بلاول بھٹو زرداری نے کہا ہے کہ شہید بے نظیر بھٹو کی زندگی ایک تحریک اور مشعلِ راہ ہے، قوم ان کے قومی جذبے اور طویل جدوجہد کو کبھی فراموش نہیں کرے گی۔بلاول بھٹو نے کہا کہ آج یہ عہد کرنے کا دن ہے کہ پاکستان سے دہشتگردی و انتہا پسندی کا خاتمہ کریں گے اور جمہوریت کی مضبوطی، آئین و پارلیمان کی بالادستی اور معاشرتی مساوات کے لیے جدوجہد جاری رکھیں گے۔چیئرمین پی پی کا کہنا تھا کہ شہید محترمہ بے نظیر بھٹو کو اس کے علاوہ خراج عقیدت پیش کرنے کا کوئی اورطریقہ نہیں ہوسکتا۔
پیپلز پارٹی کے چیئرمین بلاول بھٹو کی جانب سے والدہ کے لیے شیئر کی گئی خصوصی پوسٹ پر بختاور نے ردعمل دیا اور لکھا کہ میری والدہ محترمہ بے نظیر بھٹو شہید کی اب پہلے سے کہیں زیادہ یاد آتی ہے۔
Our mother Shaheed #BenazirBhutto missed more now than I did when I got my grades for college or whilst graduating, even when I was planning my wedding, marriage ceremony, months of pregnancy- now with my newborn – she would have been a grandmother for the first time this year 💔 https://t.co/jJLIMHG6xF
— Bakhtawar B-Zardari (@BakhtawarBZ) December 26, 2021
2007 میں جلا وطنی کے بعد جب بے نظیر بھٹو کراچی واپس آئیں تو ان کے قافلے پر شارع فیصل پر حملہ کیا گیا جس کے نتیجے میں درجنوں افراد جاں بحق ہوئے تاہم محترمہ بے نظیر بھٹو اس حملے میں محفوظ رہی تھیں لیکن 27 دسمبر 2007 میں راولپنڈی کے لیاقت باغ میں قاتلانہ حملے میں انہیں شہید کردیا گیا۔
