فیاض الحسن چوہان نے کہا ہے کہ اگر نواز شریف آتے ہیں تو پنجاب کی جیلیں ان کا انتظار کررہی ہیں۔

 صوبائی وزیر جیل خانہ جات فیاض الحسن چوہان نے میڈیا سے غیر رسمی گفتگو کرتے ہوئے کہا ہے کہ نواز شریف واپس نہیں آرہے ان کا پاسپورٹ ختم ہوچکا ہے۔

انہوں نے کہا کہ رانا شمیم کے ایشو پر بھی نواز شریف کی لندن میں 19 نومبر کو پیشی تھی ، نواز شریف نے رانا شمیم کی درخواست کا معاملہ کھڑا کرکے سیاسی پناہ حاصل کرنے کی کوشش کی۔

فیاض الحسن چوہان نے کہا ہے کہ اگر نواز شریف آتے ہیں تو پنجاب کی جیلیں ان کا انتظار کررہی ہیں ، پنجاب میں بلدیاتی الیکشن کی تیاری ہے ، لال حویلی کے ساتھ مل کر الیکشن لڑیں گے ، کے پی کے کی تاریخ نہیں دہرائیں گے۔