صدر مملکت ڈاکٹر عارف علوی نے کہا ہے کہ فاشسٹ ہندوتوا بھارت کا اصل چہرہ اب دنیا کے سامنے ابھر کر آرہا ہے ،اس سےپہلے کہ دیر ہوجائے ، دنیا کو بھارت میں بڑھتی شدت پسندی پر خبردار رہنا ہوگا
تفصیلات کے مطابق بھارت میں مدر ٹیریسا کے خیراتی ادارے کے اکائونٹس منجمد کرنے کی خبر پر اپنے ٹویٹ میں صدر ڈاکٹر عارف علوی نے کہا کہ فاشسٹ ہندوتوا بھارت کا اصل چہرہ اب دنیا کے سامنے ابھر کر آرہا ہے ، قانون ہاتھ میں لے کر مشتعل ہندو گروہوں نے کئی بھارتی علاقوں میں کرسمس تقریبات میں خلل ڈالا، انتہا پسندوں نے سانتا کلاز کا پتلا جلایا ۔
A dangerous India has emerged. Pakistan has been warning the world that it is moving towards a genocide. All minorities are under threat including Christianity. Conversion to any religion other than Hinduism is illegal. Interfaith marriages are outlawed.https://t.co/Surcyauo9b
— Dr. Arif Alvi (@ArifAlvi) December 27, 2021
کرسمس تقریبات اور مذہب بدلنے کے خلاف نعرے لگائے ۔ انہوں نےکہا کہ اس سےپہلے کہ دیر ہوجائے ، دنیا کو بھارت میں بڑھتی شدت پسندی پر خبردار رہنا ہوگا۔
واضح رہے کہ ہندوستان کی حکومت نے مدر ٹریسا کی طرف سے قائم کردہ خیراتی ادارے کے لیے غیر ملکی فنڈنگ لائسنس کی تجدید کرنے سے انکار کر دیا ہے۔
