گیلپ پاکستان نے اپنے تازہ ترین سروےکے نتائج جاری کردئیے جس کے مطابق  آئندہ برس ملک کے حالات بہتر ہونے کی پیش گوئی کی ہے۔

تفصیلات کے مطابق گیلپ پاکستان نے ایک نیا عوامی سروے جاری کیا ہے جس میں  پاکستانی مستقبل سے کے بارے میں کیا سوچتے ہیں۔گیلپ سروے میں43 فیصد عوام نے امید ظاہر کی ہے آئندہ برس ملک کے حالات بہتر ہونے ہوں گے۔

گیلپ پاکستان کی جانب سے عوام کی آرا پر مبنی نیا سروے جاری کیا گیا ہے جس کے مطابق 41 فیصد پاکستانی مستقبل سے مایوس ہیں۔ملک میں آئندہ سال بہتری کی امید ظاہر کرنے والے پاکستانیوں کی شرح بھارت کے مقابلے میں کم ہے۔بھارت میں 54 فیصد افراد نے اگلے سال بہتری کی امید کا اظہار کیا ہے۔سروے میں پاکستانیوں کے مستقبل سے پُرامید ہونے کا نیٹ اسکور بھی 17 فیصد سے 2 فیصد پر آگیا ہے۔

ایک دوسرے سروے کے مطابق 40 فیصد پاکستانی سمجھتے ہیں کہ آئندہ سال پاکستان کی معیشت میں اور حالات میں بہتری کی امید  ہے۔سروے کے مطابق مستقبل میں معاشی پریشانیوں کا اظہار کرنے والے پاکستانیوں کی شرح عالمی اوسط سے 4 فیصد زیادہ ہے۔اگلے سال معاشی بہتری کی امید کا نیٹ اسکور بھی 2012 کے بعد کم ترین سطح پر منفی 5 فیصد ہے۔