وائرل ہونے والی ویڈیو میں دیکھا جا سکتا ہے کہ خاتون ماسک نہ پہننے کی وجہ سے ایک ضعیف العمر شخص پر غصہ کرتے ہوئے اسے برا بھلا کہہ رہی ہے۔
تفصیلات کے مطابق امریکی ریاست فلوریڈا کے شہر ٹیمپا سے اٹلانٹا جانے والی ڈیلٹا ایئر لائن کی پرواز میں ایک خاتون نے ماسک نہ پہننے پر قانون ہاتھ میں لیتے ہوئے خود ہی اسے تھپڑ رسید کر دیا، مسافروں کا کہنا تھا کہ خاتون نے 80 سالہ بزرگ مسافر کے چہرے پر تھوک بھی پھینکا۔ وائرل ویڈیو میں دیکھا جا سکتا ہے کہ جہاز میں ایک خاتون بزرگ مسافر پر چلا رہی ہے، اور اسے ماسک پہننے کا کہہ رہی ہے۔
Delta flight from Tampa to Atlanta got crazy‼️ pic.twitter.com/I9BZUKv3LB
— ATL Uncensored | Atlanta News (@ATLUncensored) December 25, 2021
خاتون کے غصہ کرنے پر بزرگ شہری اسے اگنور کرتا رہا اور کھانے پینے میں مشغول رہا، لیکن خاتون ماسک پہنوانے کیلئے چلاتی رہی، اتنی دیر میں ائیر لائن کا عملہ اور دیگر مسافر خاتون کو سمجھانے کی کوشش کرتے ہیں کہ یہ رویہ مناسب نہیں، لیکن وہ سب سے یہی کہتی ہے کہ اسے کہو ماسک پہنے۔ تھوڑی ہی دیر میں خاتون آپے سے باہر ہو کر بزرگ شہری کا گریبان پکڑتی ہے، اور اس کے منہ پہ تھپڑ جڑ دیتی ہے۔ بزرگ مسافر کے جواب دینے پر خاتون کا ان کے منہ پر تھوکتے بھی دیکھا جا سکتا ہے۔
اٹلانٹا نیوز کے ٹوئٹر اکاؤنٹ سے پوسٹ کی گئی اس ویڈیو میں نظر آنے والی خاتون کی شناخت پیٹریشیا کارن ویل کے نام سے ہوئی ہے، جسے ایف بی آئی نے گرفتار کر لیا ہے۔
یاد رہے کہ امریکی کورونا ایس او پیز کے مطابق دوران پرواز کچھ کھانے کیلئے مسافر کو ماسک ہٹانے کی اجازت ہے۔
