مقبوضہ کشمیرمیں بھارت کی ریاستی دہشتگردی جاری ہے۔ بھارتی فوج کی فائرنگ سے مزید3 کشمیری شہید ہوگئے۔
کشمیری میڈیا کے مطابق قابض بھارتی فورسزنے سرینگرمیں نام نہاد آپریشن کے دوران فائرنگ کرکے 3 نہتے نوجوانوں کوشہید کردیا۔
سرینگراورنواحی علاقوں کا محاصرہ جاری ہے۔ قابض بھارتی فوج نے مختلف سڑکوں کورکاوٹیں لگا کر بند کردیا۔موبائل اورانٹرنیٹ سروس بھی بند کردی گئی ہے۔ نام نہاد سیکورٹی آپریشن میں متعدد نوجوانوں کوگرفتارکرلیا گیا۔
کشمیریوں کونماز جمعہ کی ادائیگی سے روکنے کے لئے مختلف علاقوں میں سیکورٹی کے اضافی دستے تعینات کردئیے گئے۔
بھارتی فورسزکی ظالمانہ کارروائیوں میں 3 روز میں 10 کشمیری نوجوان شہید ہوچکے ہیں۔

واضح رہے کہ 24 نومبر کو قابض بھارتی فوج کی جانب سے سرینگر میں 3 بے گناہ کشمیری نوجوانوں کو تشدد اور فائرنگ کر کے شہید کر دیا گیا تھا۔کشمیر میڈیا سروس کے مطابق مقبوضہ کشمیر میں آئے روز شہریوں کو نام نہاد سرچ آپریشن کی آڑ میں نشانہ بنایا جاتا ہے۔1989 سے اب تک بھارتی فورسز جموں کشمیر میں 96 ہزار کے قریب افراد کی جان لے چکی ہے، جبکہ گزشتہ ماہ بیس کشمیریوں کو شہید اورچھ گھر تباہ کردئیے تھے۔