وزیراعظم عمران خان کے معاونِ خصوصی برائے سیاسی روابط شہباز گِل نے  کہا کہ لاہور میں بلال یاسین پر فائرنگ قابل مذمت اور انتہائی افسوس ناک ہے۔

شہباز گل نے سماجی رابطے کی ویب سائٹ ٹوئٹر پر اپنے بیان میں کہا کہ لاہور میں لیگی ایم پی اے بلال یاسین پر فائرنگ قابل مذمت اور انتہائی افسوس ناک ہے۔ شہباز گِل نے کہا کہ اللہ کا شکر ہے کہ ان کی حالت خطرے سے باہر ہے۔ پولیس اس واقعہ کی ہر پہلو سے تفتیش کر رہی ہے۔

لاہور میں لیگی ایم پی اے بلال یاسین پر فائرنگ قابل مذمت اور انتہائی افسوناک ہے۔اللہ کا شکر ہے کہ ان کی حالت خطرے سے باہر ہے۔ پولیس اس واقعہ کی ہر پہلو سے تفتیش کر رہی ہے۔بلال یاسین پر فائرنگ کرنے والے ملزمان کو گرفتارکر کے سخت سزا دلوائی جائے گی۔

— Dr. Shahbaz GiLL (@SHABAZGIL) December 31, 2021

انہوں نے یقین دلایا کہ بلال یاسین پر فائرنگ کرنے والے ملزمان کو گرفتارکر کے سخت سزا دلوائی جائے گی۔

خیال رہے کہ گزشتہ روز قاتلانہ حملے میں زخمی ہونے والے بلال یاسین کی طبیعت میں بہتری آنے لگی ہے، آپریشن کے بعد انہیں آئی سی یو میں منتقل کر دیا گیا ہے۔