امارت اسلامی افغانستان میں قائم طالبان حکومت کا کہنا ہے کہ سرحد پر باڑ ہٹانے کے معاملے پر پیدا ہونے والی صورت حال اور یہ معاملہ سفارتی طریقے سے حل کرلیں گے۔
افغان وزارت خارجہ کے ترجمان عبدالقہار بلخی نے ٹوئٹر پر اپنے بیان میں کہا ہے کہ حال ہی میں ڈیورنڈ لائن پر باڑ سے متعلق چند تلخ واقعات ہوئے ہیں جسے دونوں ممالک کی حکومتوں کو مل کر حل کرنے کی ضرورت ہے۔ ان کا کہنا تھا کہ ہم اچھے ہمسائیوں کی طرح تمام معاملات افہام و تفہیم سے حل کرنے پر یقین رکھتے ہیں اور اس مسئلے کو بھی سفارت کاری سے حل کرلیں گے۔
IEA believing in addressing problems through understanding, talks and good neighborliness, will address this issue through diplomatic channels.
— Abdul Qahar Balkhi (@QaharBalkhi) January 4, 2022
یاد رہے کہ چند روز قبل سوشل میڈیا پر ایک ویڈیو وائرل ہوئی تھی، جس میں پاک افغان سرحد پر پاکستان کی جانب سے لگائی جانے والی باڑ کو طالبان اہلکار اکھاڑ رہے ہیں، اور کہہ رہے ہیں کہ یہ غیر قانونی ہے، اور افغانستان کی سرزمین پر لگائی جا رہی ہے۔
Afghan Taliban destroying the border fencing with Truck at disputed Durand line that was put up by Pakistan. Not sure about the exact location at the border right now. pic.twitter.com/mjVuMRSkm3
— simon.le (@monitor85420119) January 1, 2022
ویڈیو وائرل ہونے کے بعد ردعمل میں طالبان کے ترجمان سہیل شاہین کا کہنا تھا کہ واقعہ قومی نہیں علاقائی نوعیت کا ہے، پاکستان کے ساتھ اچھے تعلقات ہیں، یہ معاملات بھی بات چیت سے حل کر لیں گے۔
یاد رہے کہ آج پاک فوج کے شعبہ تعلقات عامہ آئی ایس پی آر کے ڈائریکٹر جنرل میجر جنرل بابر افتخار کا کہنا تھا کہ اس باڑ کا مقصد لوگوں کو تقسیم کرنا نہیں بلکہ انہیں محفوظ بنانا ہے، پاک افغان بارڈرپر باڑلگانے کا کام 94 فیصد مکمل ہوچکا ہے، باڑلگانے میں شہدا کا خون شامل ہے، یہ ضرور مکمل ہوگی۔
پاک ۔ افغان سرحد پر باڑ لگانے کا کام ہر صورت مکمل کیا جائے گا، ڈی جی آئی ایس پی آر https://t.co/DXzVHkdt5h #DGISPR #pakafghanborder #fencing #DawnNews
— DawnNews (@Dawn_News) January 5, 2022
