جنوبی افریقا کے سابق بیٹر ہاشم آملہ سے سوال، آپ کو کھیلنے میں مشکل لگا؟
ایک انٹرویو میں ان سے سوال کیا گیا کہ آپ کی منفرد تکنیک تھی اس کے باوجود آپ ایک کامیاب بیٹر رہے تاہم کون سا بولر آپ کو کھیلنے میں مشکل لگا؟جس پر ہاشم آملہ نے کہا کہ پاکستان سے تعلق رکھنے والے محمد آصف ایک جادوگر بولر تھے جنہوں نے ہمیشہ مجھے مشکل میں ڈالی رکھا۔
Hashim Amla on Muhammad Asif.pic.twitter.com/b90oDnCtGG
— Zak (@Zakr1a) January 6, 2022
ان کا کہنا تھا کہ جب ان کے ہاتھ سے گیند نکلتی تو میں اندازہ نہیں لگا سکتا تھا کہ آیا وہ ان سوئنگ ہو گی یا آؤٹ سوئنگ ہو گی۔ہاشم آملہ نے کہا کہ اگر پچ اور ہوا میں بولر کے لیے ذرا سی بھی مدد ہوتی تھی تو آصف کو کھیلنا ناممکن ہو جاتا تھا۔انہوں نے کہا کہ آصف کو بولنگ کرتے دیکھنا بہت خوبصورت لگتا تھا تاہم کھیلنا بہت مشکل۔
ہاشم آملہ کا کہنا تھا کہ اپنے لمبے قد کی وجہ سے محمد آصف گیند کو اچھی لینتھ سے اٹھانے کی صلاحیت رکھتے تھے، ان کی بولنگ کو دیکھ کر بہت مزہ آتا تھا اور ان کا سامنا کرنا بہت اچھا نہیں لگتا تھا۔
