ملک میں وقفے وقفے سے بارش اور تیز ہواؤں کے ساتھ برفباری کا سلسلہ جاری ہے، بارشوں اور برفباری کےباعث حادثات میں 6بچوں سمیت 8 افراد جاں بحق ہو گئے ہیں۔
تفصیلات کے مطابق پنجاب کے شہر گوجرانوالہ اور گجرات میں بارش کےباعث مکانوں کی چھتیں گرنے سے دوبچیوں اور سکیورٹی گارڈ سمیت 3افرادہلاک ہوگئے ہیں۔ پنجاب کے مختلف علاقوں میں بارشوں کے باعث حادثات میں دو بچوں اور خاتون سمیت 7 افراد جاں بحق جبکہ 12 زخمی ہوئے، جنہیں اسپتال منتقل کر دیا گیا۔ چھتیں گرنے کے واقعات گوجرانوالہ، قصور، چنیوٹ اور گجرات میں ہوئے۔
ملک کے اکثر علاقوں میں نئے سال کی پہلی بارش کے اسپیل سے رم جھم برسات۔ لاہور میں وقفے وقفے سے بادل کھل کر برسے، بارش اور تیز ہوا سے ٹھنڈ بڑھ گئی۔ نشیبی علاقے اور سڑکیں پانی سے بھر گئیں۔ لیسکو کا ترسیلی نظام بھی شدید متاثر ہوا، کئی علاقے گھنٹوں بجلی سے محروم رہے۔
دیر بالا میں برفباری کے دوران مکان کی چھت گرگئی۔حادثے کے نتیجے میں ماں سمیت 4 بچے ملبے تلے دب کر جاں بحق