تفصیلات کے مطابق بھارتی فوج ضلع پونچھ کے علاقے میں گشت کر رہی تھی جہاں فوجی قافلے پر حملہ کر دیا گیا جس کے نتیجے میں 2 اہلکار ہلاک اور ایک زخمی ہو گیا۔ ہلاک ہونے والوں میں بھارتی فوج کا آفیسر اور جونیئر کمیشن اہلکار شامل ہیں۔
واقعے کے بعد بھارتی فوج نے علاقے کا محاصرہ کرتے ہوئے تمام داخلی اور خارجی رستوں کو بند کر دیا ہے، علاقے کے اندر اور باہر جانے پر پاپندی لگادی گئی ہے، جس کے باعث لوگوں کو مشکلات کا سامنا ہے بھارتی فوج نے علاقے کیلئے مزید نفری بھی طلب کر لی ہے۔
میڈیا رپورٹس کے مطابق کچھ عرصے سے مقبوضہ کشمیر میں بھارتی فوج پر حملوں میں شدت دیکھنے میں آ رہی ہے، اور اب تک بھارتی فورسز اور ادارے کسی بھی ذمہ دار کو گرفتار کرنے میں ناکام رہے ہیں۔
یاد رہے چند روز قبل بھی مقبوضہ کشمیرمیں بھارتی فوج پر حملہ ہوا تھا جس کے نتیجے میں 5 اہلکار ہلاک ہو گئے تھے۔