متحدہ عرب امارات نے ابوظہبی پر ڈرون حملے کے بعد امریکہ سے ایران کی حمایت یافتہ حوثی ملیشیاء تنظیم کو دوبارہ سے دہشت گرد تنظیم قرار دینے کا مطالبہ کیا ہے۔
امریکہ میں متحدہ عرب امارات کے سفیریوسف العتیبہ نے وائٹ ہاؤس اورامریکی قانون سازوں سے مطالبہ کیا ہے کہ وہ یمن کی حوثی ملیشیا کو دوبارہ دہشت گرد تنظیم قرار دینے کے ہمارے مطالبے کی حمایت کریں۔
متحدہ عرب امارات کے مطالبے کے بعدامریکی وزیردفاع لائیڈ آسٹن نےابوظہبی کے ولی عہد شیخ محمد بن زاید النہیان سے ٹیلیفونک گفتگو بھی کی، جس میں یمن کی حوثی ملیشیا کے حالیہ ڈرون حملوں سے پیدا ہونے والی صورت حال پرتبادلہ خیال کیا گیا۔
In comments earlier today, Amb Al Otaiba described the Houthi terrorist attacks against civilian sites in the UAE that killed 3 innocent civilians. He called on the Administration and Congress to support re-designating the Houthi terrorist organization as an FTO. (1/3)
— UAE Embassy US (@UAEEmbassyUS) January 19, 2022
یاد رہے کہ ابوظبی میں پیر کے روز ڈرون حملوں کے نتیجے میں دومقامات پر آگ بھڑک اٹھی تھی اورآتش زدگی کے بعد پیٹرولیم کے تین ٹینکروں میں دھماکے ہوئے تھے، جس کے باعث ایک پاکستانی سمیت 3 افراد ہلاک اور 6 زخمی ہوگئے تھے۔ یمن میں ایران کی حمایت یافتہ حوثی ملیشیاء نے اس حملے کی ذمہ داری قبول کی تھی۔
