وزارت داخلہ نے ملک بھر میں غیر معمولی سکیورٹی انتظامات کرنے کی ہدایت کر دی ہے۔
مطابق لاہور کے علاقے انار کلی بازار میں ہونے والے دھماکے بعد وزارت داخلہ کی جانب سے چاروں صوبوں میں ممکنہ دہشت گردی کے پیش نظر سیکیورٹی اداروں کو چوکنا رہنے کے لئے خبردار کردیا ہے۔
وزیر داخلہ شیخ رشید کی ہدایت پر صوبوں کو احکامات جاری کئے گئے ہیں کہ وہ انارکلی بازار میں ہونے والی دہشتگردی کے تناظر میں سیکیورٹی کو ہائی الرٹ کریں اور کسی بھی غیرمتوقع سیکیورٹی صورتحال کے لئے تیار رہیں۔
وزارت داخلہ نے سيکيورٹی ايجنسيز کو بھی الرٹ رہنے کا حکم دے دیا۔ یہ بھی کہا گیا کہ دہشت گردی کے حالیہ واقعات کے پیش نظرسیکیورٹی کوفل پروف بنایا جائے اورخطرات سے نمٹنے کے لیےمتعلقہ ادارے الرٹ رہیں۔