سابق بھارتی کرکٹریووراج سنگھ اوربالی وڈ کی معروف اداکارہ ہیزل کیچ بیٹے کے والدین بن گئے ہیں۔
یووراج سنگھ نے انسٹا گرام پر اپنے مداحوں کو ننھے مہمان کی آمد کی اطلاع دی۔ انہوں نے کہا کہ ہمیں یہ بتاتے ہوئے بہت خوشی ہورہی ہے کہ ہم بیٹے کے والدین بن گئے ہیں، ہم اس خوشی پر خدا کا شکر ادا کرتے ہیں۔ اس موقع پر جوڑے نے میڈیا سے پرائیویسی برقراررکھنے کی بھی درخواست کی۔
یاد رہے کہ یووراج سنگھ اورہیزل کیچ نے دسمبر 2016ء میں شادی کر لی تھی، اور بعد ازاں یوراج سنگھ نے 2019ء میں کرکٹ سے بھی ریٹائرمنٹ لے لی تھی۔
ہیزل کیچ بالی وڈ کی معروف سپورٹنگ اداکارہ ہیں، باڈی گارڈ فلم میں سلمان خان اور کرینہ کپور کے ساتھ معاون کا کردار ان کا یادگار رول ہے۔
