پولیس نے سیالکوٹ میں مشتعل ہجوم کے ہاتھوں قتل ہونے والے سری لنکن شہری پریانتھا کمارا قتل کیس میں مزید دو ملزمان کو گرفتار کرلیا۔
تفصیلات کے مطابق گرفتار ہونے والے دونوں نئے ملزم پولیس کو مطلوب تھے ، ملزمان وقوعہ کے وقت فیکٹری کی چھت پر موجود تھے تاہم روپوش ہونے کی وجہ سے گرفتاری نہیں ہو سکی تھی۔
پولیس کے مطابق سری لنکن شہری کے قتل کیس میں گرفتار مزید 2 ملزمان میں حمزہ اور لقمان شامل ہیں ، دونوں گرفتاریوں کے بعد مقدمہ میں گرفتار ملزمان کی کُل تعداد 88 ہو گئی ہے۔
ملزمان حمزہ اور لقمان کو آج انسداد دہشت گردی عدالت گوجرانوالہ میں پیش کیا جائیگا ۔پولیس عدالت سے ملزمان کے جسمانی ریمانڈ کیلئے عدالت سے استدعا کرے گی۔
خیال رہے کہ پریانتھا کمارا قتل کیس کے 79 ملزمان پہلے سے جسمانی ریمانڈ پر پولیس کی تحویل میں ہیں جبکہ 7 ملزمان جوڈیشل ریمانڈ پر گوجرانوالہ جیل میں ہیں۔مزید دو ملزمان کی گرفتاری کے بعد کل گرفتاریوں کی تعداد 88 ہو گئی ہے۔