پاکستان میں سونے اور ڈالر کی قیمت میں آج بھی غیر معمولی کمی ریکارڈ کی گئی ہے۔
سندھ صرافہ بازار جیولرز ایسوسی ایشن کے مطابق آج پاکستان میں 100 روپے کی کمی کے بعد فی تولہ سونےکی قیمت ایک لاکھ 24 ہزار 200 روپے ہو گئی ہے۔ اس کے برعکس عالمی صرافہ مارکیٹ میں فی اونس سونےکی قیمت میں 8 ڈالر کا اضافہ ہوا ہے، جس کے بعد فی اونس سونے کی قیمت ایک ہزار 811 ڈالر پر پہنچ گئی ہے۔
دوسری جانب پاکستانی روپے کے مقابلے میں ڈالر کی قدر میں بھی کمی ریکارڈ کی گئی ہے۔ انٹر بینک ریٹس کے مطابق امریکی ڈالر 4 پیسے کی کمی کے بعد 174.48 روپے کا ہو گیا ہے۔
یاد رہے کہ گزشتہ روز پاکستان میں فی تولہ سونے کی قیمت میں 700 روپے جبکہ ڈالر کی قدر میں 89 پیسے کی کمی ریکارڈ کی گئی تھی۔
Interbank closing #ExchangeRate for today: https://t.co/8mdHQB3NXp pic.twitter.com/XKVchDvYGO
— SBP (@StateBank_Pak) February 4, 2022
